ظہران ممدانی نے نیویارک سٹی کے میئر کے طور پر اپنے عہدے کا حلف اٹھا لیا، یوں وہ شہر کے 111ویں اور پہلے مسلمان میئر بن گئے۔ حلف برداری کی تقریب میں انہوں نے قرآنِ پاک پر ہاتھ رکھ کر حلف لیا۔
یہ تقریب سٹی ہال کے قریب ایک تاریخی مقام پر منعقد ہوئی، جہاں نیویارک کی اٹارنی جنرل لیٹیشیا جیمز نے ان سے حلف لیا۔ اس موقع پر ظہران ممدانی نے اسے اپنی زندگی کا ایک بڑا اعزاز قرار دیا۔
واضح رہے کہ 34 سالہ ظہران ممدانی نے میئر کے انتخاب میں واضح برتری حاصل کرتے ہوئے اپنے حریف اینڈریو کومو کو شکست دی تھی۔