سعودی عرب میں لکڑی پر نقاشی اور کندہ کاری ایک قدیم اور زندہ روایتی ہنر ہے، جو نسل در نسل منتقل ہوتا رہا ہے۔ یہ فن فرنیچر، عمارتوں کی سجاوٹ اور آرائشی اشیاء کی تیاری میں استعمال ہوتا ہے، اور سادہ دستی اوزاروں سے لکڑی کو جمالیاتی شاہکار میں بدل دیا جاتا ہے۔
قصیم ریجن کی ماہر ام خالد کے مطابق یہ فن بچپن سے ان کی زندگی کا حصہ ہے، اور املی کے درخت یا کھجور کے سوکھے تنوں سے نت نئے نقش تخلیق کیے جاتے ہیں۔ ان کا کہنا ہے کہ وقت کے ساتھ تجربے اور مہارت میں اضافہ ہونے سے تخلیقی خیالات خود بخود ذہن میں ابھرنے لگتے ہیں۔