حدود الشمالیہ میں مٹی اور گارے سے بنے تاریخی مکانات

سعودی عرب کے حدود الشمالیہ ریجن میں مٹی اور گارے سے بنے قدیم مکانات آج بھی اپنی مضبوطی اور خوبصورتی برقرار رکھے ہوئے ہیں۔ یہ کچے مکان موسم گرما میں گرمی اور سردیوں میں سردی سے حفاظت فراہم کرتے ہیں اور اپنی سادہ مگر منفرد بناوٹ کے ذریعے ماضی کی یاد دلاتے ہیں۔

کھجور کے سوکھے تنے، چکنی مٹی کی اینٹیں اور گارے کے لیپ سے تیار یہ مکانات اس دور کے معماروں کی مہارت کی عکاسی کرتے ہیں۔ ہر مکان میں مردانہ اور خواتین کے لیے الگ حصے، اور مہمانوں کے استقبال کے لیے مخصوص جگہیں بنائی گئی ہیں۔ ان مکانات میں سب سے نمایاں شاہ عبدالعزیز کا محل ہے، جو لینہ کے تاریخی قصبے میں 90 برس گزرنے کے باوجود اپنی اصل شان و شوکت کے ساتھ موجود ہے۔