امریکی ریاست کیلیفورنیا کے جنوبی علاقوں میں کرسمس کے موقع پر ہونے والی موسلا دھار بارشوں نے سیلابی صورتحال پیدا کر دی، جس کے نتیجے میں ایک لاکھ ساٹھ ہزار سے زائد افراد کی بجلی منقطع ہو گئی۔ سیلابی پانی رہائشی علاقوں میں داخل ہو گیا جبکہ سینکڑوں شہریوں کو محفوظ مقامات پر منتقل کرنا پڑا۔
حکام کے مطابق کئی گاڑیاں پانی میں پھنس گئیں اور چھتوں پر موجود افراد کو ہیلی کاپٹروں کے ذریعے ریسکیو کیا گیا۔ محکمہ موسمیات نے آئندہ چند روز میں مزید بارشوں کی پیش گوئی کرتے ہوئے شہریوں کو احتیاطی تدابیر اختیار کرنے کی ہدایت کی ہے۔
کیلیفورنیا میں شدید بارشوں سے سیلاب، ہزاروں افراد بجلی سے محروم
