خیبر پختونخوا کے علاقوں شمالی وزیرستان اور ڈی آئی خان میں سیکیورٹی فورسز نے دو اہم آپریشنز کیے جن میں بھارتی سرپرستی رکھنے والے فتنۂ خوارج کے 15 دہشت گرد ہلاک ہو گئے۔
آئی ایس پی آر کے مطابق ڈی آئی خان کے علاقے کلاچی میں انٹیلیجنس کی بنیاد پر کی گئی کارروائی میں 10 دہشت گرد مارے گئے، جن میں گروہ کا اہم رہنما عالم محسود بھی شامل تھا۔ دوسری جانب شمالی وزیرستان کے دتہ خیل میں کیے گئے آپریشن میں مزید 5 دہشت گرد ہلاک ہوئے۔
سیکیورٹی فورسز کے مطابق علاقہ کلیئرنس کا عمل جاری ہے، اور غیر ملکی حمایت یافتہ دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔