پرتگال کے اسٹار فٹبالر کرسٹیانو رونالڈو نے ایک اور سنگِ میل عبور کرتے ہوئے فیفا ورلڈ کپ کوالیفائرز کی تاریخ میں سب سے زیادہ گول کرنے والے کھلاڑی کا ریکارڈ اپنے نام کر لیا۔ ہنگری کے خلاف میچ میں دو گول اسکور کر کے انہوں نے مجموعی طور پر 41 گول مکمل کیے اور گوئٹے مالا کے کارلوس رُوئز کا ریکارڈ توڑ دیا۔
رونالڈو نے اپنی کامیابی پر خوشی کا اظہار کرتے ہوئے کہا کہ قومی ٹیم کے لیے کھیلنا ان کے لیے فخر کی بات ہے۔ اگرچہ میچ 2-2 سے برابر رہا، مگر پرتگال اب بھی گروپ ایف میں سرفہرست ہے اور آئندہ میچ میں اپنی ورلڈ کپ 2026 کی کوالیفکیشن یقینی بنا سکتا ہے۔
ورلڈ کپ 2026 امریکا، کینیڈا اور میکسیکو میں منعقد ہوگا، جس کے لیے اب تک 28 ٹیمیں کوالیفائی کر چکی ہیں۔