پرتگال کے عالمی شہرت یافتہ فٹبالر کرسٹیانو رونالڈو نے ایک اور سنگِ میل عبور کر لیا اور دنیا کے پہلے ارب پتی فٹبالر بن گئے۔
بلومبرگ کی رپورٹ کے مطابق رونالڈو کی مجموعی دولت کا اندازہ 1.4 ارب ڈالر لگایا گیا ہے۔ ان کی آمدنی میں نمایاں اضافہ سعودی کلب النصر سے 400 ملین ڈالر کے معاہدے کے بعد ہوا۔
2002 سے اب تک رونالڈو نے تنخواہوں، اشتہارات اور اسپانسرشپ کے ذریعے اربوں ڈالر کمائے، جن میں نائکی سمیت کئی بڑے برانڈز کے ساتھ معاہدے شامل ہیں۔ وہ کھیلوں کی دنیا میں ارب پتی بننے والے چند کھلاڑیوں میں شامل ہو گئے ہیں جن میں مائیکل جارڈن، ٹائیگر ووڈز اور لیبرون جیمز جیسے نام شامل ہیں۔