آسٹریلیا کا فلسطین کو ریاست کے طور پر تسلیم کرنے کا اعلان

آسٹریلوی وزیراعظم انتھونی البانیز نے اعلان کیا ہے کہ ان کا ملک اقوام متحدہ کی جنرل اسمبلی میں فلسطین کو بطور ریاست تسلیم کرے گا۔
ان کے مطابق یہ فیصلہ فلسطینی اتھارٹی کے وعدوں اور عزم پر مبنی ہوگا، تاہم انہوں نے واضح کیا کہ مستقبل کی فلسطینی ریاست میں حماس کے لیے کوئی کردار نہیں ہونا چاہیے۔
انہوں نے غزہ کی صورتحال کو انتہائی سنگین قرار دیتے ہوئے اسرائیلی وزیر اعظم نیتن یاہو سے کہا کہ مسئلے کا حل فوجی نہیں بلکہ سیاسی راستے میں ہے۔
یاد رہے اس سے قبل برطانیہ، نیوزی لینڈ، پرتگال، جرمنی اور مالٹا بھی فلسطین کو تسلیم کرنے کے حوالے سے اشارے دے چکے ہیں۔