انگلینڈ کے 25 سالہ فاسٹ بولر جان ٹرنر نے مسلسل انجریز کے باعث پروفیشنل کرکٹ سے ریٹائرمنٹ کا اعلان کر دیا۔
جان ٹرنر نے 2024 میں انگلینڈ کے لیے 2 ون ڈے اور 2 ٹی ٹوئنٹی انٹرنیشنل میچز کھیلے تھے، تاہم کمر میں اسٹریس فریکچر کے باعث ایک سال سے زائد عرصہ میدان سے باہر رہے۔
اپنے بیان میں انہوں نے کہا کہ انجریز نے انہیں مستقبل کے بارے میں سنجیدگی سے سوچنے پر مجبور کیا، اور اسی وجہ سے کرکٹ چھوڑنے کا مشکل فیصلہ کیا۔ انہوں نے ہیمپشائر اور انگلینڈ کی نمائندگی کو اپنے بچپن کے خواب کی تعبیر قرار دیا۔