برطانیہ میں 48 سالہ شخص کو جانوروں کو ہلاک کرنے، ان کا خون پینے اور لاشیں مختلف مقامات پر پھینکنے کے الزامات میں گرفتار کر لیا گیا۔
پولیس کے مطابق ملزم کا دعویٰ تھا کہ جانوروں کا خون پینے سے وہ ہمیشہ زندہ رہ سکے گا۔ تحقیقات کے دوران ڈی این اے شواہد کی مدد سے اسے گرفتار کیا گیا۔
عدالت میں ملزم نے متعدد الزامات کا اعتراف کیا، جبکہ اسے ذہنی صحت کے جائزے تک اسپتال میں زیرِ حراست رکھنے کا حکم دیا گیا۔ پولیس نے اس مقدمے کو اپنے غیر معمولی نوعیت کے کیسز میں سے ایک قرار دیا ہے۔