ٹرمپ کے اعلان کے بعد عالمی منڈی میں تیل سستا ہوگیا

امریکی صدر ڈونلڈ ٹرمپ کی جانب سے ایران پر حملے روکنے کے اعلان کے بعد عالمی منڈی میں خام تیل کی قیمتوں میں نمایاں کمی ریکارڈ کی گئی۔

رپورٹس کے مطابق برینٹ خام تیل کی قیمت 4 ڈالر سے زائد کمی کے بعد 83.85 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) خام تیل 80.66 ڈالر فی بیرل پر آ گیا۔

ماہرین کے مطابق کشیدگی میں کمی کے اشاروں کے بعد سرمایہ کاروں کے خدشات کم ہوئے، جس کے باعث عالمی منڈی میں تیل کی قیمتوں پر دباؤ دیکھنے میں آیا۔