امریکا کی ریاست ایریزونا کے شہر ٹکسن میں ایک مصروف علاقے میں فائرنگ کے واقعے میں 9 افراد زخمی ہو گئے۔ پولیس کے مطابق ملزم نے فائرنگ کے بعد فرار ہونے کی کوشش کی، تاہم پولیس کی جوابی کارروائی میں وہ بھی زخمی ہو گیا۔
تمام زخمیوں کو اسپتال منتقل کر دیا گیا ہے، جبکہ پولیس نے واقعے کی تحقیقات شروع کر دی ہیں۔ ابتدائی اطلاعات کے مطابق متاثرہ افراد میں زیادہ تر کو ہاتھوں اور پاؤں پر گولیاں لگی ہیں۔