امام عبدالعزیز بن محمد رائل ریزرو میں سرخ گردن والے نایاب شتر مرغ کی افزائشِ نسل کے پروگرام کے حوصلہ افزا نتائج سامنے آئے ہیں۔ حکام کے مطابق روضہ خریم میں شتر مرغ کے بچوں کی تعداد میں اضافہ ریکارڈ کیا گیا، جو اس منصوبے کی کامیابی کی اہم علامت ہے۔
اتھارٹی کا کہنا ہے کہ افزائش کے لیے قدرتی ماحول، مسلسل نگرانی، جدید انکیوبیٹرز، ویٹرنری نگہداشت اور مناسب خوراک فراہم کی جا رہی ہے۔ پروگرام کا مقصد اس نایاب نسل کی تعداد میں نمایاں اضافہ اور قدرتی ماحولیاتی نظام کے تحفظ کو یقینی بنانا ہے۔