ریاض ریجن کے الدوادمی علاقے میں آثارِ قدیمہ کی کھدائی کے دوران ایک قدیم بستی کے آثار اور متعدد نایاب نوادرات برآمد ہوئے ہیں۔ ماہرین کے مطابق یہ دریافت اسلام کے ابتدائی دور میں کان کنی، تجارت اور روزمرہ زندگی سے متعلق اہم معلومات فراہم کرتی ہے۔
کھدائی میں مسجد، بازار، رہائشی عمارتوں، ورکشاپس، وزن کا قدیم پیمانہ، زیورات، مٹی کے برتن، شیشے کے ٹکڑے اور پتھریلے اوزار بھی ملے ہیں۔ سعودی حکام کا کہنا ہے کہ ملک بھر میں آثارِ قدیمہ کی تلاش اور تاریخی ورثے کے تحفظ کا عمل بدستور جاری رہے گا۔