پاکستان ایئر پورٹس اتھارٹی کے مطابق مستونگ کے علاقے لک پاس کا ریڈار 13 جولائی سے 8 اگست 2026ء تک عارضی طور پر بند رہے گا۔ اس دوران 250 ناٹیکل میل تک ریڈار نگرانی دستیاب نہیں ہوگی، تاہم لاہور اور کراچی کنٹرول سینٹرز کے متبادل نظام کے ذریعے فضائی ٹریفک کی خدمات معمول کے مطابق جاری رہیں گی۔ ضرورت پڑنے پر نان ریڈار طریقۂ کار کے تحت بھی پروازوں کی رہنمائی کی جائے گی تاکہ فضائی آپریشن متاثر نہ ہوں۔
