آبنائے ہرمز پر اختیار اور بحری آمدورفت کے معاملے پر امریکا اور ایران ایک بار پھر آمنے سامنے آ گئے ہیں۔ دونوں ممالک ایک دوسرے پر حملوں اور معاہدے کی خلاف ورزی کے الزامات عائد کر رہے ہیں، جبکہ اس تنازع نے عالمی تیل کی منڈی اور خطے کی صورتحال کو بھی متاثر کیا ہے۔ ماہرین کے مطابق موجودہ اختلافات کی بنیادی وجہ آبنائے ہرمز کے انتظام اور کنٹرول سے متعلق مختلف مؤقف ہیں، تاہم دونوں فریق مکمل جنگ سے گریز کی کوشش بھی کر رہے ہیں۔
