میاں محمود الرشید نے سزا کے خلاف لاہور ہائیکورٹ سے رجوع کر لیا

پاکستان تحریکِ انصاف کے رہنما میاں محمود الرشید نے 9 مئی کیس میں ملنے والی 10 سال قید کی سزا کو لاہور ہائیکورٹ میں چیلنج کر دیا ہے۔ اپیل میں مؤقف اختیار کیا گیا ہے کہ ان کے خلاف قابلِ اعتماد شواہد موجود نہیں، اس لیے سزا ختم کی جائے۔ یاد رہے کہ انہیں مغلپورہ میں پولیس گاڑیوں کو نذرِ آتش کرنے کے مقدمے میں ٹرائل کورٹ نے 20 جون کو 10 سال قید کی سزا سنائی تھی۔