اداکار، گلوکار اور رائٹر محسن عباس حیدر نے ایک حالیہ پروگرام میں شوبز انڈسٹری کے کچھ افراد کے حوالے سے تشویش کا اظہار کرتے ہوئے کہا ہے کہ بعض فنکار اور ہدایت کار نشے کی حالت میں شوٹنگ سیٹس پر آتے ہیں، جس پر پابندی ہونی چاہیے۔
ان کے مطابق انہوں نے سوشل میڈیا پر بھی اس مسئلے پر بات کی تھی، جس کے بعد ایک پروڈکشن ہاؤس نے ان سے رابطہ کر کے معاملے کی وضاحت طلب کی اور تحقیقات کی یقین دہانی کرائی۔
محسن عباس حیدر نے ایک واقعے کا ذکر کرتے ہوئے کہا کہ سیٹ پر ایک ساتھی اداکار کی توجہ کام پر نہیں تھی، جس سے پروڈکشن ماحول متاثر ہوا۔ ان کا کہنا تھا کہ ایسی صورتحال کو نظر انداز نہیں کیا جانا چاہیے۔
پروگرام میں گفتگو کے دوران انہوں نے مزید بتایا کہ معاملہ سامنے آنے کے بعد پروڈکشن ٹیم نے اسے سنجیدگی سے لیا۔