ہالی ووڈ اداکارہ انجلینا جولی اور بریڈ پٹ کے بڑے بیٹے میڈوکس نے اپنے نام سے والد کا خاندانی نام ’پٹ‘ ہٹانے کے لیے قانونی درخواست دائر کر دی ہے۔
عدالتی دستاویزات کے مطابق 24 سالہ میڈوکس شیوان جولی پٹ اب اپنا نام تبدیل کر کے صرف ’میڈوکس شیوان جولی‘ رکھنا چاہتے ہیں۔
بین الاقوامی میڈیا کے مطابق میڈوکس پہلے ہی پیشہ ورانہ کاموں میں ’پٹ‘ نام کا استعمال ترک کر چکے ہیں، جبکہ خاندان کے دیگر بچوں نے بھی مختلف مواقع پر اسی طرح کے اقدامات کیے ہیں۔ یہ معاملہ جولی اور پٹ کے درمیان جاری خاندانی تنازعات کے پس منظر میں سامنے آیا ہے۔