لاہور میں کاروباری اوقات سے متعلق نیا فیصلہ متوقع

لاہور میں دکانوں اور کاروباری مراکز کے نئے اوقاتِ کار سے متعلق حتمی فیصلہ تاحال سامنے نہیں آ سکا، تاہم آج نیا نوٹیفکیشن جاری ہونے کا امکان ظاہر کیا جا رہا ہے۔

ذرائع کے مطابق پنجاب حکومت کاروباری مراکز کو رات 9 بجے جبکہ ریسٹورنٹس کو 11 بجے تک کھلا رکھنے پر غور کر رہی ہے۔ اس حوالے سے وزیرِ اعلیٰ پنجاب مریم نواز کی ہدایات پر مشاورت جاری ہے۔

ادھر لاہور چیمبر نے تاجروں سے اپیل کی ہے کہ وہ قبل از وقت کاروبار بند نہ کریں، جبکہ اسلام آباد میں آج سے مارکیٹس اور شاپنگ مالز رات 8 بجے بند کرنے کا فیصلہ نافذ ہو چکا ہے۔