اسلام آباد کی عدالت نے ٹک ٹاکر ثناء یوسف قتل کیس کے ملزم عمر حیات کو اسلحہ رکھنے کے مقدمے میں بھی سزا سنا دی ہے۔
عدالت نے پاکستان آرمز آرڈیننس کے تحت ملزم کو 2 سال قید اور ایک لاکھ روپے جرمانے کی سزا دی، جبکہ جرمانہ ادا نہ کرنے کی صورت میں مزید قید بھگتنا ہوگی۔
یاد رہے کہ ایک روز قبل ہی عدالت نے ثناء یوسف قتل کیس میں عمر حیات کو سزائے موت سمیت قید اور جرمانے کی دیگر سزائیں بھی سنائی تھیں۔