قومی کرکٹرز کے سینٹرل کنٹریکٹس کا مالیاتی ماڈل 30 جون کو ختم ہو جائے گا جبکہ نئے کنٹریکٹس یکم جولائی سے نافذ ہوں گے۔
ذرائع کے مطابق پاکستان کرکٹ بورڈ میں نئے کنٹریکٹس کے حوالے سے اہم تبدیلیوں پر غور جاری ہے اور اس بار کھلاڑیوں کی کارکردگی اور فٹنس کی بنیاد پر بڑی سطح پر رد و بدل کا امکان ہے۔
گزشتہ برس 30 کھلاڑیوں کو کنٹریکٹ دیا گیا تھا، تاہم اس بار کئی ناموں کی شمولیت یا اخراج کا امکان ظاہر کیا جا رہا ہے۔
مزید یہ کہ ڈومیسٹک کرکٹ میں بہترین کارکردگی دکھانے والے کھلاڑیوں کو بھی موقع دیے جانے کا امکان ہے، جبکہ بعض سینئر کھلاڑیوں کی کیٹیگری میں بھی تبدیلی متوقع ہے۔