کنگ عبدالعزیز رائل ریزرو اتھارٹی نے شہد کی مکھیوں کی افزائش کے سیزن 2026 کا آغاز کر دیا ہے، جو قدرتی وسائل کے پائیدار استعمال اور شہد کی صنعت کی ترقی کیلئے ایک اہم قدم ہے۔
اس سیزن کے دوران مکھی پال حضرات کو قدرتی ماحول میں تربیت اور سہولت فراہم کی جائے گی، جبکہ ریزرو کے 134 مقامات کو شہد کی مکھیوں کی افزائش کیلئے مختص کیا گیا ہے۔
اتھارٹی کے مطابق یہ سیزن 30 نومبر 2026 تک جاری رہے گا، جس میں ماحولیات کے تحفظ، نباتاتی تنوع اور بہتر پیداوار کو یقینی بنانے پر خصوصی توجہ دی جائے گی۔
حکام نے مکھی پال افراد سے اپیل کی ہے کہ وہ تمام قواعد و ضوابط پر عمل کرتے ہوئے اس سیزن کی کامیابی میں کردار ادا کریں۔