آئل کمپنیز ایڈوائزری کونسل کے مطابق ملک میں پیٹرولیم مصنوعات کے مناسب ذخائر موجود ہیں اور سپلائی نظام مکمل طور پر جاری رہے گا۔
بیان کے مطابق ملک میں تقریباً 28 دن کا پیٹرول اور 34 دن کا ڈیزل موجود ہے، اس لیے کسی قسم کی کمی یا قلت کا کوئی خطرہ نہیں۔
پیٹرولیم ڈویژن نے بھی واضح کیا ہے کہ یکم مئی سے پیٹرول پمپس بند ہونے کی خبریں درست نہیں اور عوام ان افواہوں پر توجہ نہ دیں۔
حکام کے مطابق خطے میں کشیدگی کے باوجود ملک میں ایندھن کی فراہمی معمول کے مطابق جاری ہے اور مستقبل میں بھی بلا تعطل جاری رکھنے کے اقدامات کیے جا رہے ہیں۔
ملک میں تیل کے وافر ذخائر موجود، پیٹرول پمپس بندش کی خبریں مسترد
