ملائیشیا کے دارالحکومت کوالالمپور میں رابطہ عالم اسلامی کے سیکریٹری جنرل ڈاکٹر محمد بن عبدالکریم العیسیٰ نے “گلوبل کونسل فار سائنٹیفک مریکلز ان دی ہولی قرآن و سنت” کا افتتاح کر دیا۔
ڈاکٹر العیسیٰ اپنے سرکاری دورے کے دوران مختلف علمی اور فکری تقریبات میں شریک ہوئے، جن میں “سائنس اینڈ فیتھ” پروگرام اور ایک علمی مقابلے کی اختتامی تقریب بھی شامل تھی۔
ان تقریبات میں مختلف ممالک کے علماء، سرکاری نمائندگان اور جامعات کے اعلیٰ حکام نے شرکت کی۔ ملائیشیا نے ان اقدامات کی میزبانی رابطہ عالم اسلامی کے تعاون سے کی۔
نئی قائم کی گئی کونسل کا مقصد قرآن و سنت میں بیان کردہ سائنسی پہلوؤں پر تحقیق کو فروغ دینا اور مذہب و جدید سائنس کے درمیان علمی روابط کو مضبوط بنانا ہے۔