سعودی عرب کی قومی فضائی کمپنی السعودیہ نے اعلان کیا ہے کہ وہ اپنی تمام پروازوں میں مفت براڈ بینڈ انٹرنیٹ سروس فراہم کرے گی۔
سعودی پبلک انویسٹمنٹ فنڈ کے ذیلی ادارے نیو سپیس گروپ کے ساتھ شراکت کے تحت طیاروں کو جدید کنیکٹیویٹی سسٹمز سے لیس کیا جائے گا، جس سے مسافروں کو دورانِ پرواز تیز رفتار انٹرنیٹ کی سہولت میسر آئے گی۔
ابتدائی طور پر انٹرنیٹ کی رفتار 300 میگا بٹ فی سیکنڈ ہوگی جسے مستقبل میں 800 میگا بٹ تک بڑھانے کا منصوبہ ہے۔ اس سہولت کے ذریعے مسافر دورانِ پرواز اسٹریمنگ، ویڈیو کالز اور دیگر آن لائن سرگرمیاں بغیر رکاوٹ استعمال کر سکیں گے۔