حج سیزن 2026 کی تیاریوں کے تحت سعودی وزارت داخلہ نے 13 اپریل 2026 سے مکہ مکرمہ میں داخلے کے لیے پرمٹ کا نظام نافذ کر دیا ہے۔
سرکاری ہدایت کے مطابق حج کے دوران مکہ مکرمہ اور مشاعر مقدسہ میں داخلہ صرف اجازت نامے کے ساتھ ہی ممکن ہوگا، جبکہ متعلقہ افراد کو اس کے لیے آن لائن پلیٹ فارمز کے ذریعے درخواست دینی ہوگی۔
وزارت نے واضح کیا ہے کہ حج ویزے کے علاوہ کسی بھی قسم کے ویزے رکھنے والے افراد کو 18 اپریل 2026 کے بعد مکہ مکرمہ میں داخل ہونے یا قیام کی اجازت نہیں ہوگی۔
عمرہ ویزا رکھنے والوں کو بھی ہدایت کی گئی ہے کہ وہ مقررہ تاریخ سے قبل اپنے ممالک واپس چلے جائیں تاکہ حج انتظامات میں آسانی پیدا کی جا سکے۔