سعودی وزارت داخلہ نے حج سیزن کے پیش نظر مکہ مکرمہ میں داخلے اور قیام سے متعلق نئے اور سخت انتظامی اقدامات کا اعلان کیا ہے۔
اعلان کے مطابق عمرہ، وزٹ اور دیگر ویزوں کے حامل افراد کو 18 اپریل تک مکہ مکرمہ چھوڑنے کی ہدایت دی گئی ہے، جبکہ اس تاریخ کے بعد صرف حج ویزہ رکھنے والے افراد کو ہی شہر میں قیام کی اجازت ہوگی۔
حکام نے واضح کیا ہے کہ مقررہ تاریخ کے بعد خلاف ورزی کرنے والوں کے خلاف سخت کارروائی کی جائے گی، جس میں جرمانے اور قید کی سزائیں بھی شامل ہو سکتی ہیں۔
مزید کہا گیا ہے کہ 13 اپریل سے مکہ مکرمہ میں داخلہ صرف باقاعدہ اجازت نامے کے حامل افراد کے لیے ممکن ہوگا، تاکہ حج انتظامات کو بہتر اور منظم بنایا جا سکے۔