بنوں کے علاقے ڈومیل میں پولیس اسٹیشن کے مرکزی گیٹ پر بارود سے بھری گاڑی کے ذریعے خودکش حملہ کیا گیا، جس کے نتیجے میں 5 افراد جاں بحق اور 18 زخمی ہوگئے۔
پولیس حکام کے مطابق دھماکا شدید نوعیت کا تھا جس سے قریبی گھروں کو بھی نقصان پہنچا۔ جاں بحق افراد میں 3 خواتین، ایک مرد اور ایک بچہ شامل ہیں۔
زخمیوں اور لاشوں کو فوری طور پر قریبی اسپتال منتقل کر دیا گیا ہے جبکہ واقعے کی مزید تحقیقات جاری ہیں۔