کراچی کے علاقے پرانا گولیمار میں پولیس اور رینجرز نے مشترکہ کارروائی کرتے ہوئے بھتہ خوری میں ملوث چار افراد کو گرفتار کر لیا۔
رینجرز کے ترجمان کے مطابق آپریشن کے دوران ملزمان نے اہلکاروں پر فائرنگ کی، جس پر جوابی کارروائی کی گئی اور دو زخمی ملزمان سمیت تمام افراد کو حراست میں لے لیا گیا۔
گرفتار افراد کے قبضے سے اسلحہ اور بڑی مقدار میں منشیات برآمد ہوئی، جبکہ تحقیقات میں انکشاف ہوا کہ وہ بلڈرز اور تاجروں کی معلومات بھتہ مافیا کے سرغنہ تک پہنچاتے تھے اور رقم نہ ملنے پر خوف و ہراس پھیلانے میں بھی ملوث رہے۔