وزیرِ داخلہ محسن نقوی نے کہا ہے کہ دہشت گردی ایک عالمی مسئلہ ہے جس سے نمٹنے کے لیے بین الاقوامی تعاون ناگزیر ہے، اور پاکستان اس جنگ میں دنیا کے لیے ایک مضبوط حفاظتی دیوار کا کردار ادا کر رہا ہے۔
اطالوی وزیرِ داخلہ میٹیو پینٹے ڈوسی اور یورپی یونین کے کمشنر میگنس برنر نے ٹیلی فون پر وزیرِ داخلہ سے رابطہ کر کے اسلام آباد میں ہونے والے خودکش حملے کی مذمت کی اور جانی نقصان پر افسوس کا اظہار کیا۔ دونوں رہنماؤں نے پاکستان کے ساتھ یکجہتی اور دہشت گردی کے خلاف تعاون جاری رکھنے کے عزم کا اعادہ کیا۔
محسن نقوی نے مشکل گھڑی میں حمایت پر اٹلی اور یورپی یونین کا شکریہ ادا کیا۔