حکومت نے کھیلوں کے شعبے میں نمایاں کارکردگی دکھانے والوں کے لیے “ایتھلیٹ آف دی ایئر” ایوارڈ شروع کرنے کا فیصلہ کیا ہے۔ اطلاعات کے مطابق ہر سال ایک مرد اور ایک خاتون ایتھلیٹ کو ان کی کارکردگی کی بنیاد پر منتخب کیا جائے گا۔
اس اعزاز کے ساتھ 25 لاکھ روپے نقد انعام بھی دیا جائے گا، جبکہ سال کے اختتام پر خصوصی تقریب میں یہ ایوارڈ پیش کیا جائے گا۔ ذرائع کا کہنا ہے کہ اس اقدام کے لیے وزارت بین الصوبائی رابطہ نے پاکستان اسپورٹس بورڈ کے بورڈ سے منظوری حاصل کر لی ہے۔