سعودی عرب نے گزشتہ دو برس کے دوران تعلیمی نظام میں مصنوعی ذہانت کو شامل کرنے کے لیے بڑے پیمانے پر اقدامات کیے ہیں۔ عمومی تعلیم کے مختلف مراحل میں مصنوعی ذہانت کو نصاب کا حصہ بنایا گیا ہے، جبکہ ہزاروں اساتذہ کو اس حوالے سے خصوصی تربیت بھی دی گئی ہے۔
سعودی حکام کے مطابق اس اقدام سے لاکھوں طلبہ کو جدید ٹیکنالوجی، پروگرامنگ اور مصنوعی ذہانت کے بنیادی تصورات سے آگاہی مل رہی ہے۔ اساتذہ کے لیے تدریسی معاون نظام اور مصنوعی ذہانت پر مبنی مختلف پلیٹ فارمز بھی متعارف کرائے گئے ہیں۔
رپورٹ کے مطابق سعودی عرب تعلیم میں مصنوعی ذہانت کے ذمہ دارانہ استعمال، جدید مہارتوں اور ڈیجیٹل جدت کو فروغ دے کر عالمی سطح پر اپنی پوزیشن مضبوط کرنے کی کوشش کر رہا ہے۔