سندھ ہائی کورٹ نے کراچی کی فردوس کالونی میں مبینہ غیرقانونی عمارتوں کی تعمیر اور حصوں کی فروخت سے متعلق درخواست پر سندھ بلڈنگ کنٹرول اتھارٹی (ایس بی سی اے) سمیت متعلقہ حکام کو نوٹس جاری کر دیے۔
سماعت کے دوران درخواست گزار کے وکیل نے مؤقف اختیار کیا کہ علاقے میں عمارتوں کے اندر الگ الگ پورشن بنا کر فروخت کیے جا رہے ہیں، جو قواعد کی خلاف ورزی ہے۔ عدالت نے استفسار کیا کہ غیرقانونی تعمیرات کی نشاندہی کس بنیاد پر کی گئی، جس پر وکیل نے یہی نکتہ پیش کیا۔
عدالت نے معاملے پر جواب طلب کرتے ہوئے آئندہ کارروائی کے لیے فریقین کو نوٹسز جاری کر دیے۔