ضلع بنوں میں سیکیورٹی فورسز کے مشترکہ آپریشن کے اختتام پر چند علاقوں میں عارضی کرفیو نافذ کر دیا گیا ہے۔ حکام کے مطابق کارروائی رات بھر جاری رہی جس کے بعد صورتحال کو کنٹرول میں لاتے ہوئے آپریشن مکمل کر لیا گیا۔
ڈپٹی کمشنر کے مطابق اکبر علی خان، جھنڈو خیل، سدا خیل، بکول خیل اور عمر زئی کے علاقوں میں صبح 6 بجے سے شام 6 بجے تک نقل و حرکت محدود رہے گی۔
یاد رہے کہ ڈومیل کے علاقوں اکبر کلے اور اسپرکہ میں پولیس، سی ٹی ڈی اور دیگر سیکیورٹی اداروں نے مشترکہ کارروائی کی تھی، جس میں متعدد شدت پسند مارے گئے جبکہ کچھ زخمی بھی ہوئے۔ انتظامیہ کا کہنا ہے کہ اقدامات کا مقصد علاقے میں امن و امان برقرار رکھنا ہے۔