دمام میں ’گلوبل سٹی‘ سیاحتی و تفریحی منصوبے کا آغاز

مشرقی ریجن کے گورنر شہزادہ سعود بن نایف نے دمام کے سب سے بڑے سیاحتی منصوبے ’گلوبل سٹی‘ کا افتتاح کیا، جس کا مقصد علاقے میں سیاحت، سرمایہ کاری اور روزگار کو فروغ دینا ہے۔
منصوبے کا پہلا مرحلہ 2 لاکھ 50 ہزار مربع میٹر پر محیط ہے اور اس میں 15 بین الاقوامی پویلین، ایک مرکزی مصنوعی جھیل، اوپن تھیٹر، جدید پلے لینڈ، ریستوران اور واکنگ ٹریک شامل ہیں۔
گلوبل سٹی تین مراحل میں مکمل ہوگا، جس میں عالمی ثقافتیں، تفریحی سرگرمیاں اور انٹرنیشنل ایگزیبیشنز متعارف کروائی جائیں گی، اور توقع ہے کہ مکمل ہونے پر روزانہ 25 ہزار سے زائد زائرین اس کا دورہ کریں گے۔