امریکا کا ایران پر ممکنہ حملہ، ٹرمپ کو آج اہم بریفنگ دی جائے گی

امریکی میڈیا کے مطابق ڈونلڈ ٹرمپ کو آج ایران کے خلاف ممکنہ فوجی کارروائی سے متعلق اہم بریفنگ دی جائے گی۔ یہ بریفنگ امریکی مرکزی کمان کے سربراہ کی جانب سے دی جائے گی، جس میں مختلف عسکری منصوبوں پر غور کیا جائے گا۔
رپورٹس کے مطابق ان منصوبوں میں ایران کے اہم اہداف پر محدود مگر مؤثر حملے، آبنائے ہرمز کے بعض حصوں پر کنٹرول، اور حساس جوہری مواد تک رسائی کے لیے خصوصی کارروائیاں شامل ہو سکتی ہیں۔
امریکا کا کہنا ہے کہ ان اقدامات کا مقصد ایران کو جوہری مذاکرات میں لچک دکھانے پر مجبور کرنا ہے، جبکہ ایران اپنے پروگرام کو پُرامن قرار دیتا ہے۔ ماہرین کے مطابق شہری تنصیبات کو نشانہ بنانا بین الاقوامی قوانین، خصوصاً جنیوا معاہدات، کی خلاف ورزی ہو سکتا ہے۔