سڈنی تھنڈر نے آل راؤنڈر شاداب خان کو پاکستان کی قومی ٹیم میں شامل ہونے پر مبارکباد دی ہے۔ شاداب خان سری لنکا کے خلاف ٹی ٹوئنٹی سیریز کے لیے قومی ٹیم میں جائیں گے اور اس وقت بگ بیش لیگ میں سڈنی تھنڈر کی نمائندگی کر رہے ہیں۔
شاداب 4 جنوری کو ہوبارٹ ہیوریکینز کے خلاف میچ کھیلنے کے بعد سری لنکا روانہ ہوں گے اور 16 جنوری تک واپس سڈنی تھنڈر کے لیے دستیاب ہوں گے۔ شاداب نے تھنڈر کے لیے اب تک 100 رنز بنائے اور 6 وکٹیں حاصل کی ہیں۔
شاداب خان نے کہا کہ پاکستان کی نمائندگی اعزاز کی بات ہے اور تھنڈر کے لیے کھیلنے کا تجربہ شاندار رہا۔ سڈنی تھنڈر کے جی ایم ٹرینٹ کوپ لینڈ نے بھی شاداب کی قومی ٹیم میں شمولیت پر خوشی کا اظہار کیا اور متبادل اوورسیز پلیئر کی تقرری پر بات چیت جاری ہے۔