نارنگ منڈی، شیخوپورہ میں شہریوں کی اطلاع پر کی گئی کارروائی کے دوران ایک شخص کو ٹرانسفارمر چوری کے الزام میں گرفتار کر لیا گیا۔ لیسکو حکام کے مطابق ملزمان ٹرک پر دو ٹرانسفارمر منتقل کر رہے تھے، جنہیں ضبط کر کے ڈرائیور کو حراست میں لے لیا گیا اور مقدمہ درج کر لیا گیا۔
ادھر مریدکے کے نواحی علاقے میں ٹرانسفارمر اتارنے کی کوشش خطرناک ثابت ہوئی، جہاں بجلی کا کرنٹ لگنے سے ایک مبینہ چور جھلس کر ہلاک ہوگیا۔ پولیس کے مطابق واقعے کے دوران شور ہونے پر ملزمان نے فائرنگ کی، جس سے ان کا اپنا ایک ساتھی گولی لگنے سے مارا گیا۔ دیگر افراد موقع سے فرار ہوگئے اور سامان وہیں چھوڑ گئے۔