واشنگٹن میں وہائٹ ہاؤس کے قریب فائرنگ کرنے والا شخص افغان نژاد 29 سالہ رحمان اللّٰہ لکنوال نکلا، جس کی شناخت امریکی حکام نے تصدیق کر دی ہے۔ حکام کے مطابق حملہ آور اکیلا تھا اور 2021 میں امریکا منتقل ہوا تھا، وہ ریاست واشنگٹن میں بھی رہ چکا ہے۔
امریکی صدر ٹرمپ کے مطابق فائرنگ کرنے والا شخص بھی شدید زخمی ہے اور اسے دیگر دو نیشنل گارڈز اہلکاروں کے ساتھ اسپتال منتقل کیا گیا ہے۔ فائرنگ کے وقت صدر ٹرمپ فلوریڈا میں موجود تھے۔ واقعے کی وجہ سامنے نہیں آسکی۔