پی ایس ایل ایڈیشن 11 کے دوسرے میچ میں آج کراچی کنگز اور کوئٹہ گلیڈی ایٹرز آمنے سامنے ہوں گے۔ یہ میچ پاکستانی وقت کے مطابق شام 7 بجے قذافی سٹیڈیم، لاہور میں کھیلا جائے گا۔ کراچی کنگز کی قیادت ڈیوڈ وارنر کریں گے جبکہ کوئٹہ گلیڈی ایٹرز کی قیادت سعود شکیل کے پاس ہے۔
کوئٹہ اور کراچی کے درمیان اب تک پی ایس ایل میں 20 مقابلے ہو چکے ہیں، جن میں کوئٹہ نے 13 اور کراچی نے 7 میچز میں کامیابی حاصل کی۔ یاد رہے کہ گزشتہ روز افتتاحی میچ میں دفاعی چیمپئن لاہور قلندرز نے حیدرآباد کنگز کو 69 رنز سے شکست دی تھی۔
تمام میچز اس بار بغیر شائقین کے لاہور اور کراچی کے وینیوز پر منعقد کیے جائیں گے۔