اسلام آباد ہائیکورٹ نے بانی پی ٹی آئی اور بشریٰ بی بی کے خلاف 190 ملین پاؤنڈ کیس کی سماعت 31 مارچ کو مقرر کر دی ہے۔ رجسٹرار آفس کی جانب سے جاری کاز لسٹ کے مطابق کیس کی سماعت چیف جسٹس سرفراز ڈوگر اور جسٹس محمد آصف کریں گے۔
عدالت نے نیب کی درخواست پر ملزمان کے وکیل سے جواب طلب کر رکھا ہے، جبکہ نیب نے سزا معطلی کی درخواستوں کو ناقابلِ سماعت قرار دینے کا اعتراض بھی اٹھایا ہے۔ یاد رہے کہ احتساب عدالت نے جنوری 2025 میں دونوں کو اس کیس میں سزائیں سنائی تھیں، جن کے خلاف اپیلیں دائر کی گئی ہیں۔