سعودی عرب نے بدھ کی رات اور جمعرات کی صبح ڈرون حملوں کی نئی لہر کو ناکام بنا دیا، جس میں الشرقیہ ریجن میں 26 ڈرونز تباہ کیے گئے۔ سعودی وزارت دفاع کے ترجمان کے مطابق ایک بیلسٹک میزائل کو بھی روک کر تباہ کیا گیا۔
وزارت کے اعداد و شمار کے مطابق 28 فروری سے اب تک سعودی عرب پر 787 سے زائد ڈرون حملے کیے جا چکے ہیں، جن میں 58 بیلسٹک اور 7 کروز میزائلوں کو ناکام بنایا گیا۔ ایرانی حملوں کا زیادہ تر ہدف الشرقیہ ریجن اور ریاض رہے، جہاں مملکت کے بڑے تیل کے ذخائر اور ریفائنریاں واقع ہیں۔