کراچی کے علاقے گلشن حدید میں پانی کی بڑی لائن میں گر کر لاپتہ ہونے والی 14 سالہ بچی کا ابھی تک کوئی سراغ نہیں مل سکا۔ ریسکیو ٹیموں نے ایک بار پھر تلاش کا عمل شروع کر دیا ہے، تاہم پانی کے تیز بہاؤ کے باعث کارروائی میں مشکلات پیش آ رہی ہیں۔
اطلاعات کے مطابق بچی قریبی آبادی کی رہائشی تھی اور پانی بھرنے کے دوران پاؤں پھسلنے سے لائن میں جا گری۔ مقامی افراد کے مطابق پانی کی لائن کا ایک حصہ کھلا ہے جہاں سے لوگ پانی حاصل کرتے ہیں۔