کینیڈین وزیر اعظم مارک کارنی نے واضح کیا ہے کہ ان کی حکومت چین کے ساتھ آزاد تجارتی معاہدہ کرنے کا کوئی منصوبہ نہیں رکھتی۔ ان کے مطابق حالیہ چین–کینیڈا انتظامات صرف چند مخصوص شعبوں میں محصولات میں محدود کمی تک ہیں، اسے مکمل فری ٹریڈ ڈیل نہیں کہا جا سکتا۔
کارنی نے یہ بھی کہا کہ کینیڈا کسی ایسی معیشت کے ساتھ وسیع تجارتی معاہدہ نہیں کرے گا جسے نان مارکیٹ اکانومی سمجھا جاتا ہو۔
ان کا بیان ایسے وقت میں سامنے آیا ہے جب امریکی صدر ڈونلڈ ٹرمپ نے خبردار کیا تھا کہ اگر کینیڈا نے چین کے ساتھ بڑے پیمانے پر تجارتی تعاون بڑھایا تو امریکا سخت ٹیرف عائد کر سکتا ہے۔ ٹرمپ نے خدشہ ظاہر کیا تھا کہ کینیڈا کو چینی مصنوعات کے لیے راستہ بنانے کی اجازت نہیں دی جائے گی۔