سندھ بھر میں حالیہ بارشوں کے بعد ملیریا کے کیسز میں نمایاں اضافہ ہوگیا ہے۔ محکمہ صحت کے مطابق جنوری سے 25 اگست تک ایک لاکھ 16 ہزار 828 کیسز رپورٹ ہوئے، جن میں سے صرف کراچی سے 1200 کیسز سامنے آئے۔
کراچی میں سب سے زیادہ کیسز ضلع ملیر سے (432) رپورٹ ہوئے۔ حیدرآباد ڈویژن میں 50 ہزار 499، سکھر میں 9 ہزار 263، لاڑکانہ میں 33 ہزار 333، میرپورخاص میں 8 ہزار 943 اور شہید بینظیرآباد میں 13 ہزار 590 کیسز رپورٹ ہوئے۔
ترجمان محکمہ صحت کے مطابق رواں سال دماغی ملیریا کے 3 کیسز بھی سامنے آئے ہیں جن کا تعلق حیدرآباد سے تھا۔