وزیراعظم شہباز شریف سے پاکستان میں تعینات متحدہ عرب امارات کے سفیر حماد عبید ابراہیم الزابی نے الوداعی ملاقات کی۔
وزیراعظم نے سفیر کی خدمات کو سراہتے ہوئے پاکستان اور یو اے ای کے تعلقات مضبوط بنانے میں ان کے کردار پر شکریہ ادا کیا اور کہا کہ جلد شیخ محمد بن زید النہیان کے دورۂ پاکستان کے منتظر ہیں۔
سفیر نے 9 سالہ قیام کے دوران حکومت اور عوام کی دوستی و تعاون پر اظہارِ تشکر کرتے ہوئے کہا کہ مستقبل میں بھی دونوں ممالک کے مضبوط تعلقات کے لیے اپنا کردار ادا کرتے رہیں گے۔