کراچی میں 8 محرم الحرام کے مرکزی جلوس کے سلسلے میں سیکیورٹی کے سخت انتظامات مکمل کر لیے گئے ہیں۔ پولیس نے جلوس کے روٹ پر واقع صدر، ریگل چوک اور ملحقہ سڑکوں اور گلیوں کو عام ٹریفک کے لیے بند کر دیا ہے۔
پولیس حکام کے مطابق جلوس کے راستے میں آنے والی دکانوں کو بھی حفاظتی اقدامات کے تحت سیل کر دیا گیا ہے تاکہ کسی بھی ناخوشگوار واقعے سے بچا جا سکے۔
رپورٹس کے مطابق مرکزی جلوس کی برآمدگی سے قبل اس کی گزرگاہ کو مکمل طور پر بند کر دیا جائے گا اور سیکیورٹی اہلکار علاقے کی کڑی نگرانی کریں گے۔ انتظامیہ نے شہریوں سے اپیل کی ہے کہ وہ متبادل راستے اختیار کریں اور قانون نافذ کرنے والے اداروں کے ساتھ تعاون کریں۔