اقوامِ متحدہ کی سلامتی کونسل میں پاکستان کی قونصلر صائمہ سلیم نے بھارت کے مؤقف پر سخت ردعمل دیتے ہوئے کہا کہ مسئلہ کشمیر ایک بین الاقوامی تنازع ہے اور کشمیری عوام کے حقِ خودارادیت کو نظرانداز نہیں کیا جا سکتا۔
انہوں نے کہا کہ مقبوضہ جموں و کشمیر میں انسانی حقوق کی خلاف ورزیوں کا سلسلہ جاری ہے، جبکہ سندھ طاس معاہدے سے متعلق بھارت کے اقدامات بھی بین الاقوامی قانون کے منافی ہیں۔
صائمہ سلیم نے مزید کہا کہ پاکستان خطے میں امن اور بین الاقوامی قوانین کی پاسداری کا حامی ہے، جبکہ بھارت پر جارحانہ پالیسیوں، انسانی حقوق کی خلاف ورزیوں اور دہشت گردی کی سرپرستی جیسے الزامات بھی عائد کیے۔