قذافی اسٹیڈیم لاہور میں کھیلے گئے تیسرے ون ڈے میں پاکستان کی اسپنر نشرہ سندھو نے زبردست کارکردگی دکھاتے ہوئے صرف 26 رنز کے عوض 6 وکٹیں حاصل کیں اور مین آف دی میچ قرار پائیں۔ یہ ان کے کیریئر کی بہترین بولنگ رہی جس نے ثنا میر کا پرانا ریکارڈ توڑ دیا۔
نشرہ ویمنز ون ڈے کرکٹ میں 100 وکٹیں مکمل کرنے والی تیسری پاکستانی بولر بھی بن گئیں۔ میچ میں پاکستان نے 116 رنز کا ہدف 6 وکٹوں سے پورا کیا، تاہم سیریز جنوبی افریقہ نے 1-2 سے جیت لی۔
ایوارڈ ملنے کے بعد نشرہ نے ہاتھ کے اشارے سے “6” بنایا جو سوشل میڈیا پر وائرل ہوگیا، شائقین نے اسے پاک فضائیہ کے “0-6” مومنٹ سے بھی جوڑ کر بھارت پر طنزیہ تبصرے کیے۔